വേളി വെൽഫെയർ അസോസിയേഷൻ (യുകെ)യുടെ ആഭിമുഖ്യത്തിൽ ഓണം ആഘോഷം സെപ്റ്റംബർ 19 ശനിയാഴ്ച ലണ്ടനിലെ St Paul’s Church Hall, Burges Road, London E6 2EU-ൽ സംഘടിപ്പിക്കും. രാവിലെ 11 മണി മുതൽ വൈകിട്ട് 6.30 വരെ വിവിധ പരിപാടികളോടെയാണ് ആഘോഷം നടക്കുന്നത്.
കേരളത്തിന്റെ തനത് സംസ്കാരവും ഓണത്തിന്റെ പാരമ്പര്യവും യുകെയിലെ മലയാളി സമൂഹത്തിൽ പുതുതലമുറയിലേക്കും പകരുക എന്ന ലക്ഷ്യത്തോടെയാണ് പരിപാടി ഒരുക്കിയിരിക്കുന്നത്.
തിരുവാതിര, വിവിധ കലാ-സാംസ്കാരിക പരിപാടികൾ, മ്യൂസിക്കൽ ചെയർ ഉൾപ്പെടെയുള്ള വിനോദ മത്സരങ്ങൾ, പരമ്പരാഗത ഓണസദ്യ, കുടുംബ സൗഹൃദ പരിപാടികൾ എന്നിവ ആഘോഷത്തിന്റെ ഭാഗമായി ഉണ്ടായിരിക്കും.
യുകെയിലെ മലയാളി സമൂഹത്തിലെ കുടുംബങ്ങൾക്കും സുഹൃത്തുക്കൾക്കും ഒത്തുചേരാനും ഓണത്തിന്റെ സന്തോഷവും കേരളീയ പാരമ്പര്യവും പങ്കുവെക്കാനുമുള്ള വേദിയായിരിക്കും ആഘോഷം.
വേളി വെൽഫെയർ അസോസിയേഷൻ (യുകെ) എല്ലാവരെയും ഓണം ആഘോഷത്തിലേക്ക് ഹാർദ്ദവമായി സ്വാഗതം ചെയ്യുന്നു.
Leave a Reply