7 Beats Music Music Festival: Season 9 on March 7th at Campion School, Hornchurch.

 യു കെ യിൽ സംഗീത-നൃത്ത വിസ്മയങ്ങളൊരുക്കിയും, ജീവ കാരുണ്യ പ്രവർത്തനങ്ങൾ നടത്തിയും, മലയാളികളുടെ ഹൃദയ വേദിയിൽ ഇടംപിടിച്ച 7 ബീറ്റ്‌സ് മ്യൂസിക് ബാൻഡ് ഒരുക്കുന്ന 7 ബീറ്റ്‌സ് സംഗീതോത്സവത്തിനു, ലണ്ടനിലെ ഹോൺചർച്ചിൽ അരങ്ങൊരുങ്ങുന്നു. ലണ്ടൻ മഹാനഗരിയുടെ ഹൃദയഹാരിയിൽ ഇദംപ്രദമായി നടത്തപ്പെടുന്ന 7 ബീറ്റ്‌സ് സംഗീതോത്സവം സീസൺ 9 & ചാരിറ്റി ഈവന്റിന് ഈ വർഷം അണിയറ ഒരുക്കുക ലണ്ടനിലെ പ്രമുഖ സാംസ്‌കാരിക-സാമൂഹിക സംഘടനകളുടെ സഹകരണത്തോടെയാണ്. 2026 മാർച്ച് 7 നു ശനിയാഴ്ച്ച 2 മണിമുതൽ രാത്രി 10 മണി വരെയാണ് സംഗീത-നൃത്തോത്സവത്തിനായി സമയം ക്രമീകരിച്ചിരിക്കുന്നത്.

മലയാള ഭാഷയ്ക്കു നിരവധി നിത്യ ഹരിത ഗാനങ്ങൾ സമ്മാനിക്കുകയും, മലയാള കവിതകൾക്ക് ആധുനികത, സാമൂഹ്യബോധം, ഹൃദയസ്പർശിയായ സംഗീതഭാവങ്ങൾ, പ്രകൃതിയോടുള്ള മമത എന്നിവ പകർന്ന അന്തരിച്ച പത്മഭൂഷൺ ഓ എൻ വി കുറുപ്പ് മാഷിൻ്റെ അനുസ്മരണവും 7 ബീറ്റ്‌സ് സംഗീതോത്സവ വേദിയിൽ നടത്തപ്പെടും. ഇന്ത്യയിലെ പരമോന്നത സാഹിത്യ ബഹുമതിയായ ജ്ഞാനപീഠത്തിന്റെ തിളക്കം അദ്ദേഹത്തിന്റെ സൃഷ്ടികളിൽ തെളിഞ്ഞ ‘മഹത്വം’ മാത്രമാണ്. ഓ എൻ വി സാറിന്റെ മധുരിക്കും ഓർമ്മകളുമായി, സംഗീതോത്സവ വേദിയിൽ ഒരുക്കുന്ന സംഗീതാർച്ചനയിലൂടെ, മഹാകവിക്ക് സ്മരണാഞ്ജലി അർപ്പിക്കുന്നതിനും, നവ പ്രതിഭകൾക്ക് അവസരമൊരുക്കുന്നതിനുമാണ് 7 ബീറ്റ്‌സ് മ്യൂസിക് ബാൻഡ്, സംഗീതോത്സവം സമർപ്പിക്കുക. യൂ കെ യിലെ കലാ സാംസ്‌കാരിക രാഷ്ട്രീയ മേഖലയിലെ പ്രമുഖരും വേദി പങ്കിടുന്ന സംഗീതോത്സവത്തിൽ ഒമ്പതാം തവണയും ടൈറ്റിൽ സ്പോൺസറായി എത്തുന്നത്, പ്രമുഖ മോർട്ടഗേജ് & ഇൻഷുറൻസ് സ്ഥാപനമായ ലൈഫ് ലൈൻ പ്രൊട്ടക്ട് ഇൻഷുറൻസ് & മോർട്ടഗേജ് സർവീസസ് ആണ്.

കലാസ്വാദകർക്കു സൗജന്യമായി പ്രവേശനവും, പാർക്കിങ്ങും ഒരുക്കുന്ന 7 ബീ റ്റ്‌സ് സംഗീതോത്സവം, അതിസമ്പന്നമായ കലാവിരുന്നാവും ലണ്ടനിൽ സമ്മാനിക്കുക. സംഗീതോത്സവത്തോടൊപ്പം നടത്തപ്പെടുന്ന ചാരിറ്റി ഈവന്റിലൂടെ സ്വരൂപിക്കുന്ന സഹായ നിധികൊണ്ട് കഴിഞ്ഞ എട്ടു വർഷങ്ങളായി കേരളത്തിലെ നിരവധി നിർദ്ധനരായ കുടുംബങ്ങൾക്ക് കൈത്താങ്ങാകുവാൻ 7 ബീറ്റ്‌സ് സംഗീതോത്സവം സംഘാടകർക്ക്‌ ഇതിനോടകം സാധിച്ചിട്ടുണ്ട്.

കലയുടെ വർണ്ണ വസന്തം വിടരുന്ന സംഗീത വിരുന്നും, കലാസ്വാദകരുടെ വൻ പങ്കാളിത്തവും,സംഘാടക മികവും, ഒപ്പം ജീവ കാരുണ്യ പ്രവർത്തനവും കൊണ്ട് യൂകെ മലയാളികൾ നെഞ്ചിലേറ്റിയ 7 ബീറ്റ്‌സ് സംഗീതോത്സവം സീസൺ 9 -ന്റെ ഭാഗമാകുവാൻ ഏവരെയും ഹൃദയപൂർവ്വം ക്ഷണിച്ചുകൊള്ളുന്നു.

Sunnymon Mathai: 07727993229
Jomon Mammoottil: 07930431445
Manoj Thomas: 07846475589
kevin konickal: 07515428149
Luby Mathew: 07886263726
Dr Sivakumar: 0747426997
Appachan Kannanchira: 07737956977

Venue: The Campion School, Wingletye Lane, Hornchurch, London, RM11 3BX