സ്വര്‍ണക്കടത്ത് കേസില്‍ യുഎഇ അന്വേഷണം പ്രഖ്യാപിച്ചു. ഇന്ത്യന്‍ അന്വേഷണഏജന്‍സികള്‍ നടത്തുന്ന അന്വേഷണത്തോട് എല്ലാ തരത്തിലും സഹകരണം നടത്തുമെന്ന് പ്രഖ്യാപിച്ചതിന് പിന്നാലെയാണ് യുഎഇ തന്നെ നേരിട്ട് ഈ സ്വര്‍ണക്കടത്ത് കേസില്‍ അന്വേഷണം പ്രഖ്യാപിക്കുന്നത്. നയതന്ത്രചാനല്‍ വഴി സ്വര്‍ണം കടത്താന്‍ ശ്രമിച്ച കേസായതിനാല്‍ കോണ്‍സുലേറ്റിന്റെ തന്നെ സല്‍പ്പേരിന് ബാധിക്കുന്നതാണ് ഈ കേസെന്ന് ചൂണ്ടിക്കാണിച്ച് കൊണ്ടാണ് യുഎഇ സര്‍ക്കാര്‍ അന്വേഷണം പ്രഖ്യാപിക്കുന്നത്. ഇന്ത്യന്‍ സര്‍ക്കാരുമായി വളരെ നല്ല നയതന്ത്രബന്ധമുള്ള യുഎഇ അത് തുടരുമെന്നും ഇന്ത്യയിലെ യുഎഇ സ്ഥാനപതി അഹ്മദ് അല്‍ ബന്ന ഏഷ്യാനെറ്റ് ന്യൂസിനോട് പറഞ്ഞു.

വിവാദവനിതയ്ക്ക് സര്‍ക്കാരുമായി ബന്ധമില്ല, ഐടി വകുപ്പിനുകീഴില്‍ തട്ടിപ്പ് നടന്നിട്ടില്ല- മുഖ്യമന്ത്രി

സ്വര്‍ണ കള്ളക്കടത്തുമായി ബന്ധപ്പെട്ട ആരോപണങ്ങളില്‍ സര്‍ക്കാരിന് യാതൊരു പങ്കുമില്ലെന്ന് മുഖ്യമന്ത്രി പിണറായി വിജയന്‍. വിവാദത്തിനിടയാക്കിയ സ്ത്രീക്ക് സംസ്ഥാന സര്‍ക്കാരിന്‍റെ ഐടി വകുപ്പുമായി ഒരു ബന്ധവുമില്ലെന്നും തിരഞ്ഞെടുപ്പ് അടുത്തുവരുമ്പോള്‍ ഏതെങ്കിലും തരത്തിലുള്ള പുകമറയുയര്‍ത്തി സര്‍ക്കാരിനെ തളര്‍ത്തിക്കളയാം എന്നുകരുതിയാല്‍ നടക്കില്ലെന്നും മുഖ്യമന്ത്രി പറഞ്ഞു. തിരുവനന്തപുരത്ത് ഓണ്‍ലൈന്‍ പത്രസമ്മേളനത്തില്‍ സംസാരിക്കുകയായിരുന്നു അദ്ദേഹം.
രാജ്യത്തെ വിമാനത്താവളങ്ങളില്‍ നടക്കുന്ന കാര്യങ്ങള്‍ കൃത്യതയോടെ ആകാനുള്ള സംവിധാനങ്ങള്‍ കേന്ദ്രസര്‍ക്കാര്‍ ഒരുക്കിയിട്ടുണ്ട്. അതില്‍ അപാകതകള്‍ വന്നാല്‍ കേന്ദ്രസര്‍ക്കാര്‍ ഇടപെടും. ഇവിടത്തെ സംസ്ഥാനസര്‍ക്കാരിന് അതില്‍ ഒന്നും ചെയ്യാനാകില്ല. പല കാലങ്ങളിലായി വിവിധ തരത്തിലുള്ള കള്ളക്കടത്ത് നടക്കാറുണ്ട്. ഇത് തടയാന്‍ വിപുലമായ തോതില്‍ കസ്റ്റംസിനെ വിന്യസിച്ചിട്ടുള്ളത്. ഇത് വെട്ടിച്ചും ചില ഘട്ടത്തില്‍ കള്ളക്കടത്ത് നടക്കാറുണ്ട്. ഇത് സംസ്ഥാനസര്‍ക്കാരുമായി എങ്ങനെ ബന്ധപ്പെടുന്നു?
ഇപ്പോള്‍ നടന്നിട്ടുള്ള കള്ളക്കടത്ത് സംസ്ഥാനസര്‍ക്കാരുമായി ബന്ധപ്പെട്ട ഒരു കാര്യമല്ല. സംസ്ഥാന സര്‍ക്കാരിന്‍റെ ഏതെങ്കിലും ഏജന്‍സിക്കല്ല പാര്‍സല്‍ വന്നിട്ടുള്ളത്. അത് അഡ്രസ് ചെയ്തത് യുഎഇ കോണ്‍സുലേറ്റിലേക്കാണ്. കോണ്‍സുലേറ്റിന്‍റെ അധികാരപത്രം ഹാജരാക്കിയാണ് പാര്‍സല്‍ വാങ്ങാനെത്തിയതെന്നാണ് അറിയുന്നത്.
വിവാദത്തിനിടയാക്കിയ വനിതയുമായി ബന്ധപ്പെട്ട് ശിവശങ്കറിനെതിരെ ആരോപണം ഉയര്‍ന്നുവന്നപ്പോള്‍ മുഖ്യമന്ത്രിയുടെ സെക്രട്ടറി സ്ഥാനത്തുനിന്ന് അദ്ദേഹത്തെ നീക്കംചെയ്തിട്ടുണ്ട്. അതിന്‍റെ അര്‍ഥം ശിവശങ്കറിനെതിരെ നിയമപരമായി എന്തെങ്കിലും ആരോപണം ഉയര്‍ന്നുവന്നു എന്നല്ല. പക്ഷെ പൊതുസമൂഹത്തില്‍ ഈ വനിതയുമായി ബന്ധപ്പെട്ട് ആരോപണം ഉയര്‍ന്നുവന്നിട്ടുണ്ട്. അതുകൊണ്ടാണ് അത്തരമൊരു നിലപാടെടുത്തത്.
കേസിലെ വിവാദവനിതയ്ക്ക് മുഖ്യമന്ത്രിയുടെ ഓഫീസുമായി ഒരു ബന്ധവുമില്ല. ഐടി വകുപ്പുമായും ഇവര്‍ക്ക് നേരിട്ടൊരു ബന്ധവുമില്ല. ഐടി വകുപ്പിനു കീഴില്‍ നിരവധി പ്രൊജക്ടുകളുണ്ട്. അതിന്‍റെ കീഴില്‍ സ്പേസ് സെല്ലിങ് അഥവാ മാര്‍ക്കറ്റിങ് ചുമതലയാണ് ഈ വനിതയ്ക്കുണ്ടായിരുന്നത്. കരാര്‍ അടിസ്ഥാനത്തിലാണത്. ഇവരെ ജോലിക്കെടുത്തത് ഈ പ്രൊജക്ടിന്‍റെ മാനേജ്മെന്‍റ് നേരിട്ടല്ല, പ്ലേസ്മെന്‍റ് ഏജന്‍സി വഴിയാണ്. ഇത്തരം പ്രൊജക്ടുകളില്‍ താല്‍കാലിക നിയമനം നടത്തുന്നത് അസ്വാഭാവികമായ കാര്യമല്ലെന്നും മുഖ്യമന്ത്രി പറഞ്ഞു.
മുഖ്യമന്ത്രിയുടെ ഓഫീസിനെക്കുറിച്ച് പൊതുസമൂഹത്തില്‍ തെറ്റായ ചിത്രം ഉയര്‍ത്തിക്കാട്ടാന്‍ ശ്രമം നടക്കുന്നുണ്ട്. മുഖ്യമന്ത്രിയുടെ ഓഫീസില്‍നിന്ന്&ിയുെ;ആരും വിളിച്ചില്ല എന്ന് കസ്റ്റംസ് തന്നെ വ്യക്തമാക്കിയിട്ടുണ്ട്. ഇതോടെ ഇതുമായി ബന്ധപ്പെട്ട എല്ലാ കെട്ടുകഥയും

കോവിഡ് രോഗബാധിതരുടെയും മരണങ്ങളുടെയും കണക്കില്‍ കൊറോണ വൈറസിന്റെ പ്രവഭവകേന്ദ്രമായ ചൈനയെ മറികടന്ന് മുംബൈ നഗരം. 85,724കോവിഡ് പോസിറ്റീവ് കേസുകളാണ് മുംബൈയില്‍; ഇതുവരെ റിപ്പോര്‍ട്ട് ചെയ്തത്. 4,938 മരണം സംഭവിച്ചു. 4,634പേരാണ് ചൈനയില്‍ മരിച്ചത്. 83,565പേരാണ് ആകെ രോഗബാധിതര്‍
നിലവില്‍ ചൈനയില്‍ പ്രതിദിനം ഒറ്റ അക്ക കേസുമാത്രമാണ് റിപ്പോര്‍ട്ട് ചെയ്യുന്നത്. എന്നാല്‍ ആയിരത്തിന് പുറത്ത് കേസുകളാണ് മുംബൈയില്‍ മാത്രം ദിവസേന റിപ്പോര്‍ട്ട് ചെയ്യുന്നത്. മുംബൈ മുന്‍സിപ്പല്‍ കോര്‍പ്പറേഷന്റെ കണക്കുകള്‍ പ്രകാരം നഗരത്തിലെ രോഗമുക്തി നിരക്ക് 67 ശതമാനമാണ്. പുതുതായി രോഗം സ്ഥിരീകരിക്കുന്ന നിരക്ക് നഗരത്തില്‍ 1.60 ശതമാനവും.

ഇന്ത്യ – ചൈന അതിര്‍ത്തിയില്‍ ചൈനീസ് സേനയുടെ പിന്‍മാറ്റം തുടരുന്നു. ഹോട്ട് സ്പ്രിംഗ്‌സ്, ഗോഗ്ര എന്നിവിടങ്ങളില്‍ നിന്ന് ചൈനീസ് സേനയായ പീപ്പിള്‍സ് ലിബറേഷന്‍ ആര്‍മിയുടെ പിന്‍മാറ്റം ദിവസങ്ങള്‍ക്കകം പൂര്‍ത്തിയാകുമെന്നാണ് വാര്‍ത്താ ഏജന്‍സിയായ പിടിഐ റിപ്പോര്‍ട്ട് ചെയ്യുന്നത്. ഗല്‍വാന്‍ താഴ്‌വരയിലെ പിന്‍മാറ്റം അതേസമയം, മന്ദഗതിയിലാണ്.

ഉപഗ്രഹചിത്രങ്ങളനുസരിച്ച് ഗല്‍വാനില്‍ നിന്ന് ചൈന രണ്ട് കിലോമീറ്റര്‍ വരെ പിന്‍മാറിയെന്നാണ് ദേശീയമാധ്യമങ്ങള്‍ റിപ്പോര്‍ട്ട് ചെയ്യുന്നത്.
ടെന്റുകളടക്കം പൊളിച്ചുമാറ്റേണ്ടതിനാല്‍ ഗോഗ്രയിലെ പിന്‍മാറ്റപ്രക്രിയ പൂര്‍ത്തിയാകാന്‍ ദിവസങ്ങളെടുത്തേക്കും. എന്നാല്‍ പട്രോളിംഗ് പോയന്റ് 15 ആയ ഹോട്ട്‌സ്പ്രിംഗ്‌സില്‍ നിന്ന് ഉടന്‍ തന്നെ പിന്‍മാറ്റപ്രക്രിയ പൂര്‍ത്തിയാകുമെന്നാണ് സൂചന. തിങ്കളാഴ്ച മുതല്‍ ചൈനീസ് സേന താഴ്‌വരയില്‍ നിര്‍മിച്ച ടെന്റുകള്‍ പൊളിച്ചുനീക്കിത്തുടങ്ങിയിരുന്നു. ദേശീയ സുരക്ഷാ ഉപദേഷ്ടാവ് അജിത് ദോവലും ചൈനീസ് വിദേശകാര്യമന്ത്രി വാങ് യിയും ഞായറാഴ്ച വൈകിട്ട് ഫോണ്‍ വഴി രണ്ട് മണിക്കൂറോളം സംസാരിച്ചിരുന്നു. ഇതേത്തുടര്‍ന്നാണ് ഇരുസൈന്യവും അതിര്‍ത്തിയില്‍ സേനാപിന്‍മാറ്റം നടത്താമെന്ന് ധാരണയായത്. അതിര്‍ത്തിസംഘര്‍ഷങ്ങള്‍ നടന്നാല്‍ സമവായചര്‍ച്ചകള്‍ക്ക് ചുമതലയുള്ള ഇരുരാജ്യങ്ങളുടെയും പ്രത്യേകപ്രതിനിധികളാണ് അജിത് ദോവലും വാങ് യിയും.
ഇരുരാജ്യങ്ങളും തമ്മിലുണ്ടാക്കിയ ധാരണ അനുസരിച്ച്, രണ്ട് സൈന്യങ്ങളും സംഘര്‍ഷമേഖലകളില്‍ നിന്ന് ഒന്നര – രണ്ട് കിലോമീറ്റര്‍ വരെ പിന്നോട്ട് മാറും. ഈ പ്രക്രിയ പൂര്‍ത്തിയായ ശേഷമാകും ഇനി ബാക്കിയുള്ള ചര്‍ച്ചകള്‍ നടക്കുക.

ലോകാരോഗ്യ സംഘടനയുമായുള്ള ബന്ധം അമേരിക്ക ഔദ്യോഗികമായി അവസാനിപ്പിച്ചു. ഇക്കാര്യം കോണ്‍ഗ്രസിനെയും ഐക്യരാഷ്ട്ര സഭയെയും ട്രംപ് ഭരണകൂടം അറിയിച്ചതായി സി.എന്‍.എന്‍ റിപ്പോര്‍ട്ട് ചെയ്യുന്നു. ലോകമെങ്ങും കോവിഡിനെതിരായ പോരാട്ടം തുടരുകയും അമേരിക്കയില്‍ രോഗികള്‍ കുത്തനെ വര്‍ധിക്കുകയും ചെയ്യുന്നതിനിടെയാണ് ട്രംപ് ഭരണകൂടത്തിന്റെ തീരുമാനം.
മൂന്ന് വരികളുള്ള കത്തിലാണ് ഐക്യരാഷ്ട്ര സഭയെ ട്രംപ് തീരുമാനം അറിയിച്ചിരിക്കുന്നതെന്നാണ് സി.എന്‍.എന്‍ റിപ്പോര്‍ട്ടില്‍ പറയുന്നത്. ഒരു വര്‍ഷം വിട്ടുനില്‍ക്കുന്നുവെന്നാണ് സൂചന. അതേസമയം, കത്തിന്റെ ഉള്ളടക്കം വ്യക്തമായി അറിയാത്തതിനാല്‍ ഇക്കാര്യം തീര്‍ച്ചപ്പെടുത്താനാവില്ലെന്നും റിപ്പോര്‍ട്ട് പറയുന്നു.
കോവിഡ് പ്രതിരോധത്തില്‍ ലോകാരോഗ്യ സംഘടന പരാജയമാണെന്നും ചൈന പറയുന്നത് അനുസരിക്കുക മാത്രമാണ് അവര്‍ ചെയ്യുന്നതെന്നുമായിരുന്നു ട്രംപിന്റെ ആരോപണങ്ങള്‍. ഇതിനു പിന്നാലെ ഏപ്രിലില്‍ സംഘടനക്ക് അമേരിക്ക നല്‍കിവന്നിരുന്ന സഹായം നിര്‍ത്തലാക്കി. സംഘടനയില്‍നിന്ന് പിന്മാറുമെന്നും അറിയിച്ചിരുന്നു.