SHARE

ബീയജിംഗ്: കുറ്റവാളിയായ അമ്മ കോടതിയില്‍ വിചാരണയില്‍. ആ സമയമാണ് കൈകുഞ്ഞ് ഭക്ഷണത്തിനായി വാവിട്ട് കരഞ്ഞത്. കാവല്‍ നിന്ന പോലീസുകാരി ഒന്നും ചിന്തിച്ചില്ല ആ കുട്ടിയെ മുലയൂട്ടി.

മദ്ധ്യ ചൈനയിലെ ഷാന്‍ക്സി ജിസ്ഹോങ്ങ് ഇന്‍റര്‍മീഡിയേറ്റ് പീപ്പിള്‍ കോര്‍ട്ടിലാണ് സംഭവം അരങ്ങേറിയത്. ഒരു പണം തട്ടിപ്പ് കേസില്‍ ആരോപിതയായിരുന്നു കുട്ടിയുടെ അമ്മ. 33 പേരാണ് ഈ കേസിലെ പ്രതികള്‍. പൊതുപണം വകമാറ്റി എന്നതാണ് ഇവര്‍ക്കെതിരായ ആരോപണം.

കോടതി നടപടികളിലേക്ക് കടക്കും മുന്‍പ് ഹാവോ ലിന എന്ന പോലീസ് ഓഫീസറുടെ കയ്യിലാണ് കുട്ടിയെ ഏല്‍പ്പിച്ചത്. അതിന് ശേഷമാണ് കുട്ടി കരയുവാന്‍ തുടങ്ങിയത്. ഇതോടെയാണ് മടിയൊന്നും ഇല്ലാതെ ഇവര്‍ കുട്ടിക്ക് മുലയൂട്ടിയത്.

ചൈനയിലെ ഈ സംഭവം ഇന്റര്‍നെറ്റില്‍ വൈറലായിരിക്കുകയാണ്.

SHARE

NO COMMENTS

LEAVE A REPLY